أهديتني في ليلة العيد فرقا
......................ولاني احبك ما رفضت الهديه


اخذتها وكفي من الدمع غرقا
......................وقلبــي يناظر مو مصدق يديه


غص اصغر جروح المواعيد :ابقا
......................واغتضت من ضحك الخناجر عليه


قبلك شبعت من الشقا ..ويش بلقا؟!
......................وما عاد باقي لخـنــجرك غير ذيّه


قلبٍ تعود لي نوى الفرح يشقا
......................بـ احـــلامه اللي قلت عنها : غبيه


سويت لك في داخله "1000" مسقا
......................وشفني عطشت وكل جروحي رويه


توي عرفت ان جرح عن جرح فرقا!!
......................ومع انها مـتشــــابهه في الاذيه


الجرح هذا غير ..به شي ارقا
......................كل ما يمــــر العيد للجرح جيه


وعشان لو مر عيد ما حس فرقا
......................خذ فرحتي والعيد واخذ الهديه





مميز في كل شي ..حتى في طريقة الذبح...18 اغسطس 2008..وكل عام وانا بخير..

آمنت بـ أن الـجرح اوفى من الناس
........................يبقى معـك لـو كلـهم يخذلونك

.
.
.

ما زارنــي بعـــدك فرح
.......................وما عـــاد ابـــــي افراح
وقلبي اللي حبك وانجرح
.......................مشتــــــــــــاق للجرّاح

أمنيات -1



بعد رحيلك..
كم تمنيت ان يقبل القدر مقايضتي ببعض سنين العمر التي سوف اعيشها بعدك ويرجعني الى اللحظات التي كنا فيها سويا...لدقائق
.
.
.
.

.

أمنيات -2


بعد رحيلك..
تَمنيتُ ان تُسعفني الاحلامٌ لتزورني بعد اتخذتَ الفراق طريقا تسير فيه عسى ان نلتقي عند مفترق ٍ ولو صدفه...لكني لم أنم منذ رحلت.
.
.
.
.
.

أمنيات -3



بعد رحيلك..
تمنيت لو اني فقدت حواسي..لكي لا اسمع وقع خطوات المسافة وهي تكبر,
ولا ارى الايام تركض حاملةً احلامنا,ولا اذوق مرارة القلق والخوف عليك,
ولا احس وانا اتلمس صدري الخالي منك, ولكنها كما سبقها من اماني ..ظلت اماني ...
فسمعت ورأيت وذقت واحسست ولمست..
وبكيت..
.
.
.
.

أمنيات -4



قبلك رحيلك
لم اتمنى شيء,لأن الرحيل لم يكن خيارا مطروحا
.
.
.
.

.

أقسى من الجــرح لحظة ترتكب جرحي
......................قدّام عـيـنـي وانــا اتـرجــــاك وابكي لك

مافاد فـيـك البكــــا وش ينفعك شرحي؟!
......................يا لـيـتـني صنت نفسي عنْك مـ أشكي لك

أبذمتك لــــو تـجـيـني ومـطـلـبك صلحي
......................أعصابي اللي اتلفت وشلون ترخي لك؟!

لو فيك ذره مــن أحسـاس البشـر توحي
......................كــان أغرقت مـــن عيــونك كل مناديلك

ليتك فهمت السبب فــــي سجني لرمحي
......................من طــبعي أنــي اسامـح كـــان يعني لك

أكتب على صدر صدر الســـالفه وامحي:
......................مـمنون..ولك أحتـرامي وكل شكري لك

شكرا على قبرك اللــي ضــم لــي فرحي
......................شـقـول لك غير من قـهـــري: أيا ويلك؟!

خنجْرك لـــو يستحي مني ومــن جرحي
......................ما كان يرســـم ملامح مـــوت حبي لك
.
.
.
.
.

زين
شوفي حالي زين ...
من تفارقنا
وكل شي فيني وحولي ..
منقسم نصين
.
.
.
.

رساله احرقت كل الالم ..
واحيت كل الشوق..
.
.
دخيلك انحر غيابك وسيل دم فرقانا
.....................تعبت اركض ورا هذا السهر في ساحل احداقي

ترى بعدك لعب موج الوجع في صدر مينانا
.....................لذا خبيت مركب عشقنا في وسط اعماقي

اذا ما خانتك هالذاكره ..تذكر وش اللي كان خلانا
.....................نجي نجمع ملامح عشقنا ونبعثر الباقي؟!

يمر البرد في غيابك من ضلوعي..وتحدانا!!
.....................وانا منهو يدثر فزعتي يا كود اشواقي؟!

سألني حلمنا عنّك يقول:اشفيه ما جانا؟!!
.....................جلست آدور العذر القديم فـ صدر اوراقي

اقول ان الزمن قاسي..لعب فينا وبكانا
.....................وانا ماني مصدق كيف مستقوى على فراقي!!

على نخل الحنين المرتهل محفور اسمانا
.....................حرام يموت يا عمري بيدنا حلم الراقي

تعبت فـ غيبتك من غيبتك يا صاحبي وآنا
.....................اهز جذع الفراق المر واتساقط مع اوراقي
.
.
.
.