اغاني صغار


اغنية لـ"غزّه"

صباح المجد والعزّه
يا أطيب أرض
فوق الارض .. يا " غزّه " .

صباح ( الشيخ )
كتب تاريخ ..
ولا تقدر بني صهيون
او شارون
تشطب منّه لو همزه !

صباح زغار
شالوا حجار
وقالوا الارض لو تندار
بييجي يوم على الظالم ، نهز الارض ، ونهزّه

صباح المجد والعزه
صباح الضحكة والغمزه
يا احلى بنت
واطهر بنت
واشرف بنت .. يا " غزه " .

مـوال

رماني بنظرة عيونه و .. لدها
و من نظرة عرفت إنه : ولدها
الى هالحين أحب امه والادهى ..
الى هالحين ابكي من الفراق
.............
.............
وامك يا هذا الولد ..
ما هي مَرَه
امك بلد
امك : عراق !

شـي

فيه شيء فيك ، يدوّر عليك .. ولا يلقاك !
فيه شيء فيك يترجّاك ..
ترجع مثل ما كنت :
ولد
يصنع الورده من الاشواك
يفتح الشارع على الشبّاك !
يفتح الشباك على غرفة .. ويلقاك .. هناااااااااك :
تكتب قصيده تشبه كفوفك
قصيده تشبه ظروفك
قصيده تربك الإرباك !

" دو "

عازف بيانو ...
صارت اصابعه : نوته !

حبل غسيل

على حبل الغسيل ..
تقدر تقرا كل التفاصيل ..
للحكايات الوسخه ..
اللي يحكيها الليل .. لليّل !
........
........
وهذا المواطن
ما عنده حبل ٍ للغسيل ..
واذا حصل حبل الغسيل ، ما عنده ملابس ..
واذا جاب حبل الغسيل والملابس ..
منين يجيب الحكايات الوسخة ؟!!

ـــــــــــــــ
محمد الرطيان
  مراسلة | موقع صديق | الصفحة الرئيسة